V სერია

სამხრეთისა და ჩრდილოეთის ტომებმა ერთდროულად მიიღეს ბოთლი, რომელიც მათ ნაპირზე წყალმა გარიყა. ორივე ტომის წარმომადგენლებს სთხოვდნენ, შერკინებაზე გაეშვათ ტომიდან ერთი ყველაზე ჭკვიანი და ფეხმარდი. სამხრეთის ტომში ირაკლიმ გამოიჩინა წასვლის ინიციატივა, ჩრდილოეთისაში კი - გიორგიმ. “უკანასკნელი გმირის” წამყვანმა შერკინების წინ მხოლოდ ის თქვა, რომ ამ შეჯიბრის დასასრული მალაიზიური ამინდივით მოულოდნელი იქნებოდა გამარჯვება გიორგის დარჩა, თუმცა მის მიერ მოპოვებული ჯილდო - ქათმები, სამხრეთის ტომის წარმომადგენელმა ირაკლიმ მიუტანა ჩრდილოეთელებს. ნათიამ თავი ძალიან ცუდად იგრძნო. მალე ექიმიც მივიდა, რომელმაც ერთი მარტივი რჩევა მისცა არა მარტო ნათიას, არამედ ყველას - დალიეთ წყალი! გიორგის მიერ შერკინებაში მოპოვებული ძღვენით ჩრდილოეთელებმა დიდად ისიამოვნეს. მეათე დღეს, ეკა ფანგანი მიხვდა, რომ მალაიზიაში ყოფნის სურვილი ნელ-ნელა ჩაუცხრა. მისთვის ამდენდღიანი განშორება ქალაქთან უკვე გმირობის ტოლფასია. იმუნიტეტის მორიგი შეჯიბრება და ჩრდილოეთელთა გარდაუვალი კრახი. ჩრდილოეთის ტომმა ვერც ამჯერად მოახერხა მოწინააღმდეგის დამარცხება. ტომთა საბჭოზე გიორგი ქორქიას ჩრდილოეთელთა დანახვა უკვე აღარ გაკვირვებია. მონაწილეები ვერაფრით ხსნიან სამხრეთელთა წარმატების საიდუმლოს. ტომთა საბჭოზე პირველად ამოყო თავი ირაკლიმ, რომელიც არც თავად აძლევდა ხმას ვინმეს და არც მას ემუქრებოდა თამაშის დატოვება. თამუნამ და ვახომ კი მიიღეს გადაწყვეტილება, გუნდი ეკა ფანგანს დაეტოვებინა.