IV სერია

ჩრდილოეთელები უკვე აშკარად ებრძვიან დამარცხების სინდრომს, რათა მათში საბოლოოდ არ ჩაცხრეს გამარჯვების ჟინი. სამხრეთელებს შიმშილისგან სული მისდით. გოგონები თავს იმით ირთობენ, რომ მზეს ეფიცხებიან და ვითომ გარუჯვა სწყურიათ, ცდილობენ, საჭმელზე არ იფიქრონ, თუმცა არაფერი გამოსდით. დათო კი კანიბალიზმზე ალაპარაკდა და იმ მონაწილის აღმოჩენას ცდილობს, ვისი ხორციც გემრიელი იქნება.. ერეკლეს ვერ გაუგია, რას ერჩოდნენ მამუკას, რომელიც ტომთა საბჭოზე, მისი აზრით, უსამართლოდ გაწირეს. გიორგი დროის უმეტეს ნაწილს გოგონებთან ატარებს და მათ გარემოცვაში შესანიშნავად გრძნობს თავს. ის ნუდისტურ პლაჟზე ოცნებობს. ბესარის კუბი - შერკინება, რომელშიც თითო ტომიდან თითო გოგონამ მიიღო მონაწილეობა და გამარჯვება კვლავ სამხრეთის ტომს დარჩა. სამხრეთის ტომი ძალიან დააფიქრა ჯილდომ, რომელიც მათ სიურპრიზად დაუტოვეს და მხოლოდ ის უთხრეს - პრიზი უცნობიაო. სახელდახელო სცენაზე “უცნობის” გამოჩენამ მართლაც ყოველგვარ მოლოდინს გადააჭარბა. ისინი მალაიზიის კუნძულებზე გია გაჩეჩილაძეს შეხვდნენ. იმუნიტეტის თამაშს ამჯერად წონასწორობა ერქვა. გამარჯვება უკვე მერამდენად კვლავ სამხრეთის ტომმა მოიპოვა. ტომთა საბჭოზე ბევრი ილაპარაკეს, თუ რატომ არ უმართლებთ, საბოლოოდ კი ასეთი გადაწყვეტილება მიიღეს - ამჯერად შინ ერეკლე შონია გაამგზავრეს.