III სერია

ჩრდილოეთელებს შიმშილისგან გული მისდით. გიორგი აღნიშნავს, რომ მისთვის საჭირო ენერგიას ამ გაუსაძლის წუთებში მზისგან იღებს. როგორც ჩანს, ჩრდილოეთის ტომი იმდენად მოწადინებული იყო ცეცხლი მის კუნძულზეც აგიზგიზებულიყო, რომ თავი არ დაზოგა და პირველი თამაში მოიგო. ჩრდილოეთელების ბედნიერებას საზღვარი არა აქვს. როგორც იქნა, მათ კუნძულზეც აგიზგიზდა ცეცხლი. სამხრეთის ტომში იდილია დაირღვა, დათო გოგონებს პრეტენზიებით ავსებს. შერკინებაში გამარჯვებული ჩრდილოეთის ტომი მეთევზეთა კუნძულზე აღმოჩნდა. ჩრდილოეთელებმა სამოთხეში წარმოიდგინეს თავი, როცა ლოგინები დაინახეს. მაშინ, როცა ჩრდილოეთელები მეთევზეთა კუნძულზე ნებივრობდნენ, სამხრეთელები განსაცდელში იყვნენ ჩავარდნილები. შტორმში სამხრეთის ტომი დაუცველი აღმოჩნდა. სახრახნისი” - ასე ეწოდებოდა მორიგ ბრძოლას იმუნიტეტისთვის. ჩრდილოეთის ტომმა კვლავ კრახი განიცადა. სამხრეთელების იმუნიტეტისთვის ბრძოლაში გამარჯვება უპირველესად შაკოს დამსახურება იყო, რომელიც სხარტი და მოქნილი აღმოჩნდა, თუმცა ირაკლიმ ამის დანახვა არ მოინდომა. ტომთა საბჭოზე ნაცნობი სურათი დაიხატა. გიორგი ქორქიას პირისპირ კვლავ ჩრდილოეთის ტომი აღმოჩნდა. ბევრი ბრალდება გაისმა მამუკას მისამართით, რომელმაც ის ოთხეული დააკომპლექტა, შეჯიბრებაში რომ დამარცხდა. ამიტომაც უმრავლესობამ სწორედ მისი გაშვება გადაწყვიტა.