I სერია

გემზე შეკრებილმა “უკანასკნელი გმირის” 17-მა მონაწილემ ჯერ კიდევ არ იცის, წინ რა ელოდება - მღერის საქართველოს ჰიმნს, ცეკვავს და მხოლოდ გიორგი ქორქიას დანახვისას ხვდება - თამაში დაიწყო! კუნძულზე მხოლოდ 16 კუნძია. თამუსიას ოკეანის წყალი და ზურგჩანთა ამძიმებს. ის ნაპირს ყველაზე ბოლო უახლოვდება. 16 მონაწილე ორ ტომად დაიყო - ყვითელ მაისურებში სამხრეთელები გამოეწყვნენ, ლურჯში - ჩრდილოელები. პირველ გუნდს დათო ლიდერობს, მეორეს - მამუკა. გიორგი ქორქიამ თავისუფლება დროებით ორივე ტომს წაართვა და ფეხზე ბორკილები დაადო. ბორკილასხმული ორივე ტომი ცეცხლის მოსაპოვებლად მიიწევს. უპირატესობას სამხრეთელები ფლობენ. ცეცხლი მათია, შესაბამისად - თავისუფლებაც. ჩრდილოეთელები მთელი ღამის მანძილზე ბორკილებში რჩებიან. ერთ ღამეში მათ გადაწყვეტილება უნდა მიიღონ. თუ თამუსიას დაიტოვებენ, ცეცხლს დაიმსახურებენ, თუმცა სანაცვლოდ ტომმა ერთი თანაგუნდელი უნდა გაწიროს. ტომი ცეცხლის მიღებაზე უარს ამბობს, თამუსია მონაწილეებს ემშვიდობება. მარიას ბორკილის სიმძიმე ქანცავს. ტომს მისი დამშვიდება უწევს მაშინაც, როცა უკაცრიელი კუნძულის უცხო წარმომავლობის მოძრავი არსების დანახვისას კივის. “ძალა ერთობაშია” - პირველი შეჯიბრება ტომის იმუნიტეტის მოსაპოვებლად. გამარჯვება სამხრეთელებს რჩებათ. ტომთა საბჭოზე ჩრდილოეთის ტომი ერთსულოვანია. 7 კაცი მარიას წირავს.